कागल : दोन तोळ्याचे मंगळसूत्र हिसडा मारून लंपास

कागल येथे हिसडा मारून मंगळसूत्र पळविले

कागल: पती व मुलगा यांच्यासह मोटारसायकलवरुन जात असलेल्या महिलेचे एक लाख २० हजार रुपये किंमतीचे दोन तोळ्याचे मंगळसूत्र अज्ञातांनी हिसडा मारून पळविले. ही घटना एसटी डेपो आगारासमोर सायंकाळी साडे सहाच्या सुमारास घडली. याबाबतची फिर्याद वर्षा रुपेश पाटील (वय ३२, रा. मुळ गाव दिगवडे, ता. पन्हाळा, सध्या रा. जयसिंगराव पार्क, कागल) यांनी कागल पोलिसांत दिली आहे. वर्षा ह्या पती व मुलासह मोटारसायकलवरून कोल्हापूरहून कागलकडे येत असताना ही घटना घडली.