देवकेवाडी येथे २५ गव्यांचा कळप : भीतीचे वातावरण.

04553

देवकेवाडीः येथे भुतोबा मंदिर शेजारी मुख्य रस्ता पार करताना गव्यांचा कळप.
...

देवकेवाडी परिसरात २५ गव्यांचा कळप

कोनवडे, ता. १८ः देवकेवाडी (ता. भुदरगड) येथे भुतोबा मंदिर ते देवकेवाडी दरम्यान २५ ते ३० गव्यांचा कळप प्रवासी व ग्रामस्थांच्या निदर्शनास आला. अचानक एवढा मोठा कळप समोर आल्याने प्रवाशांची व ग्रामस्थांची चांगलीच तारांबळ उडाली. या गव्यांचा व्हीडीओ सोशल मिडीयावर व्हायरल झाल्याने परिसरात भितीचे वातावरण आहे
आकुर्डे, देवकेवाडी, गिरगाव, भूमकरवाडी, हेदवडे, काळामवाडी, गिरगाव धनगरवाडा परिसरात गव्यांचा मोठ्या प्रमाणात वावर आहे. शनिवारी सकाळी ९ च्या सुमारास हेदवडे भूमकरवाडी परिसरातून आलेला कळप देवकेवाडी ते भुतोबा मंदिरच्या दरम्यान मुख्य रस्त्यावरून उत्तरेकडे डोंगरात गेला. या कळपात पूर्ण वाढ झालेले २० ते २५ गव्यांचा समावेश होता.
गव्यांचे कळप दिवसा व रात्री हेदवडे, देवळेवाडी, गिरगाव, भूमकरवाडी, शिवारांत अन्न -पाण्याच्या शोधात भटकत आहेत. गेले अनेक दिवस परिसरात गव्यांचा वावर सुरु आहे. यामुळे शेतकरी चिंताग्रस्त आहेत.