गाय दूध अनुदानाबाबत प्रतीक्षाच

गाय दूध अनुदानाबाबत प्रतीक्षाच

गाय दूध अनुदानाबाबत प्रतीक्षाच

कॅशलेस व्यवहारामुळे बिलांना विलंब; उत्पादकांत नाराजी

अरविंद सुतार : सकाळ वृत्तसेवा
कोनवडे, ता. ४ : राज्य सरकारने गायीच्या दुधाला लिटरला पाच रुपये अनुदान देण्याची घोषणा करून सहा महिने उलटले तरी अद्याप दूध उत्पादकांच्या खात्यात अनुदान अद्याप जमा झालेले नाही. अनुदानाची घोषणा करण्यापूर्वी गायीचे दूध बिल दर दहा दिवसाला संस्थेत वेळेत मिळत होते. मात्र, कॅशलेस व्यवहारामुळे गाय दूध बिल वेळेत मिळत नसल्याने उत्पादकांतून नाराजी व्यक्त होत आहे.
कॅशलेस व्यवहार सक्तीचा केल्याने गायीचे दूध बिल दूध संस्था दूध उत्पादकाच्या बँक खात्यात जमा करतात. कॅशलेस व्यवहार सुरू करण्यापूर्वी संस्थेकडून वेळेत बिल मिळत होते. मात्र, कॅशलेस व्यवहार सुरू झाल्यापासून बिल वेळेत उत्पादकाच्या खात्यावर जमा होत नसल्याच्या तक्रारी आहेत. त्यामुळे दूध उत्पादकांना बिलाची प्रतीक्षा करावी लागत आहे. तरी पूर्वीप्रमाणे दूध संस्थेतच बिल मिळावे, अशी मागणी होत आहे.
कॅशलेस व्यवहार सक्तीचा केल्याने दूध संस्थेच्या सचिवांची व गाय दूध उत्पादकांची चांगलीच तारांबळ उडाली आहे. कॅशलेस व्यवहाराच्या कामाला कंटाळून काही सचिवांनी नोकरीचा राजीनामा दिला, तर काहींनी गायी विकल्या. जिल्हा दूध संघाशी संपर्क साधला असता जिल्ह्यातील काही दूध उत्पादकांच्या खात्यावर अनुदान जमा करण्यास सुरुवात केली असल्याचे समजते. तरी दूध उत्पादकांचे अनुदान त्वरित जमा करावे, अशी मागणी होत आहे.
....
कोट...
शासनाने अद्याप अनुदान न दिल्याने दूध उत्पादक अडचणीत आले आहेत. पशुखाद्याचे व चाऱ्याचे वाढलेला दर आणि तुटवडा यामुळे पशुपालक अडचणीत सापडले आहेत. शासनाने लवकरात लवकर गायीच्या दुधावरील अनुदान दूध उत्पादकांच्या खात्यावर जमा करावे.
अश्विन मोरे, पशुपालक, बसरेवाडी
....

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com