वाचक पत्र

वाचक पत्र

मत-मतांतरे
---------

जैवविविधता पुरवणी अभ्यासपूर्ण
‘सकाळ’च्या चंदगड विभागीय कार्यालय वर्धापन दिनानिमित्त (ता. ६ फेब्रुवारी २०२३) विशेष पुरवणी प्रसिद्ध करण्यात आली होती. चंदगड, आजरा आणि गडहिंग्लज या तिन्ही तालुक्यांतील जैवविविधता हा महत्त्वाचा व आशयपूर्ण असा या पुरवणीचा मध्यवर्ती विषय होता. हा विषय निवडल्याबद्दल ‘सकाळ’चे अभिनंदन आणि कौतुक करावेसे वाटते. कारण, जनसामान्यांना आवश्यक व तितक्याच अनभिज्ञ अशा या विषयाची तिन्ही तालुक्यांत खरोखर गरज होती. जैवविविधतेने नटलेल्या, सदाहरित जंगले, घनदाट वर्षावाने, विविध पशुपक्ष्यांचे आश्रयस्थान असलेल्या या सह्याद्रीच्या कोंदणात वसलेल्या कोल्हापूर जिल्ह्यातील चंदगड, आजरा व गडहिंग्लज हे तीन तालुके. येथील निसर्गसंपदा, वन्यजीवसंपदा म्हणजे सह्याद्रीचा जीव की प्राण आहेत. या परिसरातील प्राणी, पक्षी, कीटक, वृक्ष यांची वन्यजीवसंपदा खरोखरच थक्क करणारी आहे. आजही त्यांच्या नव्या-नव्या प्रजाती सापडत आहेत. आज आपल्या सह्याद्रीच्या जंगलात जगातील दुर्मिळातील दुर्मिळ असे अनेक प्राणी वास्तव्यास आहेत, ही अत्यंत अभिमानाची बाब आहे. जैवविविधता जपणे व तिचा सांभाळ करणे, ही सर्वांच्या दृष्टीने काळाची गरज आहे. या पुरवणीतील सर्व लेख हे खूप अभ्यासपूर्ण व सूक्ष्मनिरीक्षणातून लिहिलेले आहेत. त्यामुळे सामान्य नागरिकांना जैवविविधता आणि त्यातील महत्त्वाचे घटक याची इत्थंभूत माहिती समजली व या सर्व घटकांशी ओळख झाली. आगामी काळात ‘सकाळ’ने निसर्गातील अशा वैविध्यपूर्ण विषयांवर प्रकाश टाकावा, तसेच निसर्ग आणि पर्यावरणातील महत्त्वाच्या व अत्यावश्यक घटकांवर सर्व वाचकांना नवीन विषयांवरील वाचनाची पर्वणी द्यावी.
अभिजित वाघमोडे, चंदगड (जि. कोल्हापूर)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com