एसटी कॉंग्रेस

शासकीय कर्मचाऱ्यांप्रमाणे
वेतन, भत्ते देण्याची मागणी

‘इंटक’चे मुख्यमंत्री, उपमुख्यमंत्र्यांना निवेदन

कोल्हापर ,ता. ३ ः एसटी कर्मचाऱ्यांचे वेतन अत्यंत कमी झाल्याने करार पद्धत रद्द करून एसटी कर्मचाऱ्यांना शासकीय कर्मचाऱ्यांप्रमाणे वेतन, भत्ते सेवा सवलती व थकबाकीची रक्कम द्याव्यात, अशा मागणीचे निवेदन मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस यांनी दिली आहे. अशी माहिती महाराष्ट्र एसटी वर्कर्स काँग्रेस (इंटक) संघटनेचे सरचिटणीस मुकेश तिगोटे यांनी सांगितले.
महाराष्ट्र स्टेट ट्रान्सपोर्ट कामगार संघटनेला मान्यता मिळण्यापूर्वी एसटी कर्मचाऱ्यांच्या वेतनवाढीबाबत झालेल्या करारात एसटी कर्मचाऱ्यांना शासकीय कर्मचाऱ्यांपेक्षा जास्त वेतन दिले जात होते. परंतु १९९६ पासून २०१६ पर्यंत महाराष्ट्र स्टेट ट्रान्सपोर्ट कामगार संघटनेसोबत झालेल्या कामगार करारात एसटी कर्मचाऱ्यांना शासकीय कर्मचाऱ्यांच्या तुलनेत योग्य वेतनवाढ न झाल्याने एसटी कर्मचाऱ्यांचे नुकसान होत आहे. त्यामुळे करार रद्द करून एसटी कर्मचाऱ्यांना शासकीय कर्मचाऱ्या प्रमाणे वेतन देण्याची मागणी करीत आहेत.
२०१६ ते २०२० व २०२० ते २०२४ या कालावधीत एसटी कर्मचाऱ्यांच्या वेतनवाढीचे कामगार करार होणे अपेक्षित होते परंतु कामगार संघटनेच्या नाकर्तेपणामुळे वेतनवाढ झालेली नाही, असे तिगोटे यांनी सांगितले.