विजय देवणे तक्रार

शिवसेना ठाकरे गटाच्या
विजय देवणें‍विरोधात तक्रार

कोल्हापूर, ता. ६ ः शिवसेना ठाकरे गटाचे जिल्हाप्रमुख विजय देवणे यांच्या कार्यपद्धतीविरोधात थेट पक्षप्रमुख उध्दव ठाकरे यांच्याकडे कार्यकर्त्यांनी तक्रार दिली आहे. आजरा, चंदगड, गडहिंग्लज, राधानगरी, कागल, भुदरगड या तालुक्यांतील पदाधिकाऱ्यांनी ही तक्रार केली असून, देवणे पक्षात गटबाजी वाढवून स्वतःचा स्वार्थ साधत असल्याचा या तक्रारीचा सूर आहे.
देवणे यांच्याकडून पक्षवाढीसाठी कोणतेही प्रयत्न होत नाहीत. काही आंदोलनावेळी देवणे यांनी तडजोडी केल्या असून, शाखाप्रमुख, उपशाखा प्रमुखांपर्यंतची फळी खिळखिळी झाली असल्याचेही या कार्यकर्त्यांनी तक्रारीत म्हटले आहे. दरम्यान, देवणे यांच्याशी याबाबत संपर्क साधला असता ते म्हणाले, ‘काही कार्यकर्त्यांचे गैरसमज झाले आहेत. मात्र, ते दूर केले आहेत. सध्याची राजकीय स्थिती पाहता आपापसातील मतभेद दूर करून उध्दव ठाकरे यांचे हात बळकट करावे लागणार आहेत. त्यासाठी सर्व मिळून आम्ही काम करतो आहे.’