पोलिस वृत्त एकत्रित

शहरातून दोन दुचाकींची चोरी

कोल्हापूरः शहरातून दोन दुचाकी लंपास झाल्‍या आहेत. रंकाळा चौपाटीवरील खाऊ गल्लीत लावलेली दुचाकी चोरट्याने लंपास केली. बुधवारी रात्री पावणेनऊच्या सुमारास ही घटना घडली. याची फिर्याद वसगडेतील प्रणव महावीर आष्टेकर यांनी जुना राजवाडा पोलिस ठाण्यात दिली. तसेच कदमवाडी येथे डी. वाय. पाटील हॉस्पिटलच्या भिंतीलगत उभा केलेली दुचाकी दोन ते सहा जुलै दरम्यान चोरट्याने लंपास केली. याची फिर्याद राजेशकुमार संपतराव तोंडे-पाटील यांनी शाहूपुरी पोलिस ठाण्यात फिर्याद दिली.
---

दुचाकीवरून पडून दोन कामगार जखमी

कोल्‍हापूरः दुचाकी घसरून दोन परप्रांतीय कामगार जखमी झाले. पुणे- बंगळूर महामार्गावर सांगली फाट्याजवळ शनिवारी (ता.८) ही घटना घडली. यामध्ये देवा बिरबल कुमार (वय १९) आणि विशाल रमाकांत राजभोग (वय १८, दोघे सध्या रा. गांधी चौक, जयसिंगपूर, मूळ रा. चितवडगाव, उत्तरप्रदेश) हे दोघे जखमी झाले. दोघे बांधकामाचे साहित्य खरेदीसाठी दुचाकीवरून शहरात येत होते. त्यांच्यावर सीपीआरमध्ये उपचार सुरू आहेत. सीपीआर पोलिस चौकीत याची नोंद झाली.