सांगवडेवाडी शेतीचे अज्ञाताकडून नुकसान

सांगवडेवाडी शेतीचे अज्ञाताकडून नुकसान

15555
...

सांगवडेवाडीत उभ्या
पिकाचे वीस लाखांचे नुकसान

दिनकर चव्हाण यांच्या मालकीच्या शेतीत अज्ञाताचे कृत्य

सांगवडेवाडी, ता. ११ ः येथील शेतकरी अप्पासाहेब, राजेंद्र व बाबासाहेब दिनकर चव्हाण यांच्या मालकीच्या शेतीतील उभ्या पिकाचे काल अज्ञातांनी नुकसान केले. टोमॅटो, मिरची, कारलीच्या पिकाचे वीस ते पंचवीस लाखांचे नुकसान झाल्याचे घटनास्थळावरून सांगण्यात आले.
दिनकर चव्हाण आणि त्यांच्या तीनही मुलांसह घरातील सदस्यांनी कष्टातून पीक आणले. त्यामध्ये टोमॅटो अर्धा एकर, मिरची व कारली प्रत्येकी १० गुंठे इतके असून हातातोंडाशी आलेले पिक अज्ञातांनी उखडून टाकले आहे. येत्या चार-आठ दिवसात टोमॅटो विक्रीसाठी उपलब्ध होणार होते. आज टोमॅटोचा बाजारपेठेतील दर शंभर ते सव्वाशे रूपये असून पंधरा ते वीस टन टोमॅटोचे उत्पादन अपेक्षित धरता वीस ते पंचवीस लाखांचे नुकसान झाल्याचे अप्पासाहेब चव्हाण यांनी सांगितले.
दरम्यान, शेतीचे नुकसान झाल्याचे समजतात गावातील शेतकऱ्यांनी मोठी गर्दी केली. चव्हाण कुटुंबीयांच्या घरातील महिलांनी नुकसान पाहून अक्षरशः आक्रोश केला. चव्हाण यांच्याबरोबरच बाबगोंडा पाटील व संजय खोत यांच्या मालकीच्या पंधरा गुंठे क्षेत्रातील वरण्याचे पिकही अज्ञातांनी उखडून टाकले आहे. या प्रकाराची नोंद गोकुळ शिरगाव पोलीस ठाण्यात झाली असून अधिक तपास चालू आहे.
सध्या भाजीपाल्याला चांगला दर मिळत असल्याने अशा प्रकारे नुकसान होऊ लागल्याने शेतकरी वर्गात भितीचे वातावरण पसरले आहे. चव्हाण बंधूंनी शेतीच्या उत्पन्नावरच अलिकडे घराचे बांधकाम सुरू केले आहे. आता या नुकसानीमुळे हे कुटुंब उघड्यावर पडले आहे.
...

आमदार ऋतूराज पाटील
यांच्याकडून शेतकऱ्यांना मदत

सांगवडेवाडी येथील घटनेची माहिती समजताच आमदार ऋतुराज पाटील यांनी या शेतकऱ्यांची तत्काळ भेट घेऊन त्यांना आधार देत आर्थिक मदत दिली. शेताची झालेली ही नासधूस संवेदनशील माणसांच्या डोळ्यात पाणी आणणारी आहे. जगाचा पोशिंदा असलेल्या शेतकऱ्याच्या बाबतीत घडलेली ही घटना धक्कादायक आणि निषेधार्ह असल्याचे आमदार पाटील यांनी सांगितले. यावेळी शितल खोत, रामदास माने, धनराज खुडे, सुदर्शन खोचगे, रवी खोत, राजेंद्र चव्हाण आदी शेतकरी उपस्थित होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com