उत्तुरमध्ये दिपोत्सव उत्साहात

उत्तूरमध्ये दीपोत्सव उत्साहात
सकाळ वृत्तसेवा
उत्तूर ता. २८ : त्रिपुरारी पौर्णिमा व देव दीपावलीचे औचित्य साधून येथील नव कृष्णा व्हॅली स्कूल व ज्युनिअर कॉलेज, कृष्णा व्हॅली अॅग्री अॅडव्हान्स्ड सेंटर, सह्याद्री निसर्ग मंडळ, जिजाऊ फाउंडेशन व आंतरराष्ट्रीय पर्यावरण मित्र बहुउद्देशीय संस्थेतर्फे येथील छत्रपती शिवाजी महाराज पुतळा परिसरात एक हजार पणत्या प्रज्वलित करून ‘पाणी वाचवा, जीवन वाचवा, पृथ्वीला वाचवा’ असा संदेश दिला.
सरपंच किरण आमणगी यांच्या हस्ते दीपप्रज्वलन करून कार्यक्रमाची सुरुवात झाली. शिववंदना व शिवरायांच्या जयघोषात १००० पणत्या प्रज्वलित केल्या. ग्रामपंचायत सदस्य महेश करंबळी, विजय सावेकर, केशव पाटकर, विकास हत्तरगी, किरण चव्हाण, पर्यावरण मित्र जिल्हाध्यक्ष डॉ. गुरुप्रसाद कुलकर्णी आदी उपस्थित होते.
पाणी बचतीचा संदेश देणारी प्रतिभा सुतार यांनी रेखाटलेली रांगोळी सर्वांचे लक्ष वेधून घेत होती. श्रेया पोवार, हर्षद कार्तिक व डॉ. गुरुप्रसाद कुलकर्णी यांची मनोगते झाली. प्राचार्य रामकृष्ण मगदूम यांचे मार्गदर्शनाखाली शिक्षक व विद्यार्थ्यांनी नियोजन केले. संध्या मोरबाळे यांनी सूत्रसंचालन केले.