संक्षिप्त

कदंब पुरस्कारासाठी
प्रस्तावाचे आवाहन

कोल्हापूर ः येथील कदंब महोत्सव समितीतर्फे सलग चौदाव्या वर्षी कदंब महोत्सव होणार आहे. महोत्सवात सलग अकराव्या वर्षी कदंब पुरस्कार दिला जाणार आहे. कविता या साहित्यप्रकारासाठी हा पुरस्कार दिला जाणार असून, एक जानेवारी २०२३ ते ३१ डिसेंबर २०२३ या कालावधीत प्रकाशित झालेले कवितासंग्रह पुरस्कारासाठी पाठवायचे आहेत. इच्छुकांनी कविता संग्रहाच्या दोन प्रती आपल्या संपूर्ण माहितीसाठी महाराष्ट्र ग्रंथ भांडार (महाद्वार रोड, कोल्हापूर) या पत्त्यावर पाठवाव्यात, असे आवाहन संयोजकांनी केले आहे.
.......

अंगणवाडीसाठी
नंद घर मोहीम
कोल्हापूर ः अंगणवाड्यांमध्ये परिवर्तन घडवून आणण्यासाठी आता नंद घरराष्ट्रीय मोहीम सुरू झाली आहे. अभिनेता मनोज वाजपेयी यांचा या राष्ट्रीय मोहिमेत सहभाग असणार आहे. अनिल अगरवाल फाऊंडेशनच्या माध्यमातून ही मोहीम राबवली जाणार आहे. भावी पिढीला दर्जेदार पोषण मिळावे, त्यांची सर्वसमावेशक आरोग्य देखभाल केली जावी व मुलांना सर्वोत्तम प्राथमिक शिक्षण मिळावे, या उद्देशाने जिल्ह्यातील अंगणवाडीतही ही मोहीम सुरू होणार आहे.