कोल्हापूर जिल्हा संघाची कसोटी

85371
कोल्हापूर : आंतरजिल्हा फुटबॉल स्पर्धेसाठी रवाना झालेल्या संघासमेवत मधुरिमाराजे छत्रपती. सोबत माणिक मंडलिक, राजेंद्र दळवी, नंदकुमार बामणे आदी.
................
कोल्हापूर जिल्हा संघाची कसोटी

नवोदित खेळाडूंचा कस : तेरा वर्षांखालील आंतरजिल्हा फुटबॉल स्पर्धा शिरपूर

सकाळ वृत्तसेवा
कोल्हापूर, ता. २३ : शिरपूर (जि. धुळे) येथे उद्या (शुक्रवा) पासून होणाऱ्या आंतरजिल्हा फुटबॉल स्पर्धेसाठी कोल्हापूर जिल्ह्याचा १३ वर्षांखालील संघ रवाना झाला आहे. उद्या रायगड संघाविरुद्ध कोल्हापूर संघ आपल्या मोहिमेची सुरुवात करणार आहे. स्पर्धेसाठी कोणत्याच संघाला मानाकंन नसल्याने सर्वच नवोदित खेळाडूंचा कस लागणार आहे. मुंबई संघ स्पर्धेचा ''फेव्हरिट'' मानला जात आहे. स्पर्धेत ३२ जिल्हा संघांचा सहभाग आहे.
स्पर्धेसाठी ३२ संघांची एकूण चार गटांत विभागणी केली आहे. ‘ड’ गटात कोल्हापूरचा समावेश आहे. रायगड संघाविरुद्ध कोल्हापूरची सलामी आहे. त्यानंतर दुसऱ्या फेरीत तुल्यबळ ठाणे संघाशी गाठ पडण्याची शक्यता आहे. उपात्यंपूर्व फेरीत वाशिम-वर्धा, गोंदिया-हिंगोली यांच्यातील विजेत्याशी लढावे लागेल. उपांत्यफेरीत ‘क’ गटातील बलाढ्य नागपूर किंवा पुणे विरुद्ध लढतीचे संकेत आहेत. तुलनेत ‘अ’ गटातून अव्वल मुंबईला उपांत्यफेरीत पोहोचण्याची सोपी संधी आहे.
निवड चाचणीसाठी २०० हून अधिक खेळाडू आले होते. त्यातून स्पर्धेसाठी २४ खेळाडू निवडले गेले होते. कोल्हापूर जिल्हा संघाचे गेले अकरा दिवस शाहू स्टेडियमवर सराव शिबिर झाले. प्रदीप साळोखे, राजू राऊत, अमित शिंत्रे यांनी सराव घेतला. यातून अंतिम १८ खेळाडूंची निवड झाली. संघाला कोल्हापूर स्पोर्टस् असोसिएशनच्या मधुरिमाराजे छत्रपती, माणिक मंडलिक, राजेंद्र दळवी, नंदकुमार बामणे, मनोज जाधव यांनी शुभेच्छा दिल्या.
....
चौकट..
जिल्हा संघ असा
वीर पाटील, सक्षम साळोखे (गोलरक्षक), क्षितिज पारस्कर, पृथ्वीराज चव्हाण, प्रज्वल काळे, श्रीरंग प्रभू, आर्यन साठे, शिवराज तावडे, राजवीर खराडे, साईराज सुतार, सोहम शिंत्रे, आरंभ पाटील, देवराज पोवार, वरद खाडे, धीरज कुरबेट्टी, सार्थक हवालदार, वेदांत नारायणपुरे, स्वयंम पाटील.
.....
कोट...
खेळाडूंनी चांगला सराव केला आहे. दुसऱ्या फेरीपासून खेळाडूंना अधिक कामगिरी उंचावावी लागेल. खेळाडूंकडून चांगल्या कामगिरीची अपेक्षा आहे.
- संतोष पवार, शरद मेढे
प्रशिक्षक, जिल्हा संघ