सेवासदन नर्सिंग कॉलेजला ‘बी.एससी नर्सिंग’ची मंजुरी

सेवासदन नर्सिंग कॉलेजला ‘बी.एससी नर्सिंग’ची मंजुरी

सेवासदन नर्सिंग कॉलेजला
‘बी.एस्सी. नर्सिंग’ची मंजुरी
सकाळ वृत्तसेवा
गडहिंग्लज, ता. ६ ः येथील सेवासदन नर्सिंग कॉलेजला नाशिक पॅरामेडिकल नर्सिंग बोर्ड, नाशिक विद्यापीठ आणि महाराष्ट्र शासनाकडून बी.एस्सी. नर्सिंग अभ्यासक्रम सुरू करण्यास मान्यता मिळाल्याची माहिती संस्थेचे प्रमुख डॉ. नागेश पट्टणशेट्टी यांनी दिली. गडहिंग्लज, आजरा, चंदगडसह परिसरातील इच्छुक विद्यार्थ्यांनी या अभ्यासक्रमाचा लाभ घेण्याचे आवाहनही त्यांनी केले आहे.
डॉ. पट्टणशेट्टी म्हणाले, ‘सध्या वैद्यकीय क्षेत्रात मनुष्यबळाचा तुटवडा मोठ्या प्रमाणात जाणवू लागला आहे. या क्षेत्रात रोजगाराच्या मोठ्या संधी आहेत. विशेष करून वैद्यकीय क्षेत्रात प्रशिक्षित नर्सेस व इतर पॅरामेडिकल कर्मचारी मिळणे कठीण झाले आहे. ही गरज ओळखूनच संस्थेने गतवर्षीपासून ए.एन.एम. व जी.एन.एम. हे अभ्यासक्रम सुरू केले आहेत. त्याला विद्यार्थ्यांचा प्रतिसादही मिळाला आहे. दरम्यान, ग्रामीण भागाची गरज ओळखून बी.एस्सी. नर्सिंग अभ्यासक्रम सुरू करण्याचा मानस बाळगून त्यादृष्टीने संस्थेचे प्रयत्न सुरू होते. त्याला शासनासह नाशिक विद्यापीठाची मंजुरी मिळवण्यात यश आले आहे. स्वतःचे शंभर खाटांचे मल्टिस्पेशेलिटी हॉस्पिटल असल्याने विद्यार्थ्यांना अधिक चांगले प्रशिक्षण मिळण्यास मदत होणार आहे.’ बारावी परीक्षेत पीसीबी ग्रुपसह ४५ टक्के गुणांनी उत्तीर्ण झालेले व सीईटी प्रवेश परीक्षा दिलेल्या विद्यार्थ्यांना अभ्यासक्रमात प्रवेश घेता येणार आहे. त्याचा लाभ विद्यार्थ्यांनी घ्यावा, असे आवाहन केले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com