सीपीआर मेडीकल वेस्ट

सीपीआर मेडीकल वेस्ट

फोटो- 95234

‘डीएम’ला महापालिकेकडून ५० हजारांचा दंड
‘सीपीआर’ची पाहणी ः जैववैद्यकीय कचऱ्याच्या उठवात हयगय केल्याचा ठपका


सकाळ वृत्तसेवा
कोल्हापूर, ता. ६ ः येथील ‘सीपीआर’मधील डी. एम. एंटरप्रायजेस या पुण्याच्या कंपनीने उघड्यावर जैववैद्यकीय कचरा टाकल्याचा ठपका ठेवत महापालिकेने त्यांना ५० हजारांचा दंड केला. महापालिकेच्या आरोग्य पथकाने आज अचानक सीपीआरमधील स्वच्छतेची पाहणी केली. यावेळी पथकाला रुग्णालयाच्या आवारात जैववैद्यकीय कचरा उघड्यावर टाकल्याचे दिसले. त्यानुसार कारवाई करण्यात आली. सहायक आयुक्त कृष्णा पाटील, आरोग्य निरीक्षक मनोज लोट, ऋषिकेश सरनाईक, नंदकुमार पाटील व कर्मचाऱ्यांच्या पथकाने स्वच्छतेची पाहणी केली.
सीपीआरमध्ये संकलित होणारा दैनंदिन कचरा महापालिकेमार्फत वेळोवेळी उठाव केला जातो. येथील जैववैद्यकीय कचरा पर्यावरण संरक्षण अधिनियम, तसेच केंद्रीय आणि महाराष्ट्र प्रदूषण नियंत्रण मंडळाच्या जैववैद्यकीय कचरा व्यवस्थापन नियमावलीनुसार संबंधित कंपनी व रुग्णालय व्यवस्थापनाने कचरा व्यवस्थापन संकलन व वाहतूक प्रक्रिया आणि निर्मूलन करायचा आहे. वैद्यकीय कचरा निर्मूलनासाठी महापालिका आणि मेसर्स एस. एस. सर्व्हिसेसकडून सामुदायिक जैववैद्यकीय कचरा प्रक्रिया प्रकल्प चालवला जातो. त्यामुळे रुग्णालयात निर्माण होणारा सर्व जैववैद्यकीय कचरा कलर कोडिंगप्रमाणे वर्गीकरण करून तो डी. एम. कंपनीने बांधून देणे अपेक्षित आहे. प्रत्येक पिशवीवर कलर कोडिंगप्रमाणे बारकोड लावून सर्व बारकोड स्कॅन करून कचरा विघटन करणारी कंपनी एस. एस. सर्व्हिसेसकडे तो नष्ट करण्यासाठी पाठवावा लागतो. त्याची स्वतंत्र रजिस्टरवर नोंद ठेवावी लागते. जैववैद्यकीय कचरा अन्य कोणत्याही स्वरुपातील घनकचऱ्यामध्ये मिक्स करू नये, असा नियम आहे. त्यामुळे सीपीआरने जैववैद्यकीय कचरा त्यांनी स्वतःच्या वाहनांद्वारे नेऊन नष्ट करण्यासाठी एस. एस. सर्व्हिसेसकडे द्यायचा आहे. सीपीआरने या सर्व कामासाठी त्यांच्या अखत्यारित पुणे येथील डी. एम. सर्व्हिसेसची नियुक्ती केली आहे. कचरा उठावात हयगय केल्याचा ठपका ठेवत महापालिकेच्या आरोग्य आणि सार्वजनिक स्वच्छता विभागाने डी. एम. कंपनीला प्राथमिक कारवाई म्हणून रुपये ५० हजाराचा दंड ठोठावला. यावेळी कंपनीने त्यांच्या बेशिस्त व बेजबाबदार कर्मचाऱ्यांवर शिस्तभंग कारवाई करत असल्याचे सांगितले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com