दुचाकीवरून पडल्याने महिलेचा मृत्यू

दुचाकीवरून पडल्याने महिलेचा मृत्यू

फोटो ः 96049

दुचाकीवरून पडल्याने
महिलेचा मृत्यू

सकाळ वृत्तसेवा
कोल्हापूर, ता. ९ ः माणगाव फाट्यानजीक (ता. हातकणंगले) धावत्या दुचाकीवरून चक्कर येऊन पडल्याने रुक्मिणी पांडुरंग कांबळे (वय ५२, रा. टाकवडे, ता. शिरोळ) यांचा मृत्यू झाला. कसबा बावडा येथील नातेवाइकाचे निधन झाल्याने मुलासमवेत तिकडे जात असताना आज दुपारी एकच्या सुमारास हा अपघात घडला. त्यांना ‘सीपीआर’मध्ये दाखल केले असता दुपारी अडीचच्या सुमारास उपचारांदरम्यान मृत्यू झाला.
कांबळे यांच्या कसबा बावडा येथील एका नातेवाइकाचे निधन झाले. रुक्मिणी कांबळे या त्या नातेवाइकांचे सांत्वन करण्यासाठी मुलगा गंगाधर याच्या दुचाकीवरून शहराकडे येत होत्या. माणगावनजीक धावत्या दुचाकीवर त्यांना चक्कर आल्याने त्या तोल जाऊन खाली कोसळल्या. त्यांना तातडीने ‘सीपीआर’मध्ये दाखल केले. मात्र, डोक्याला गंभीर दुखापत झाल्याने उपचार सुरू असताना त्यांना मृत्यू झाला. त्यांच्या मागे पती, मुलगा, दोन मुली, सून, जावई, नातवंडे असा परिवार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com