शिवसेना मेळावा

शिवसेना
ठाकरे गटाचा
रविवारी मेळावा

कोल्हापूर ः विधानसभा निवडणुकीच्या तयारीचा भाग म्हणून शिवसेना उध्दव बाळासाहेब ठाकरे गटाचा मेळावा रविवारी (ता. १४) कोल्हापुरात होत आहे. राम गणेश गडकरी सभागृहात सायंकाळी पाच वाजता हा मेळावा होणार आहे.
शिवसेना ठाकरे गटाची पश्‍चिम महाराष्ट्राची जबाबदारी माजी मंत्री व फायर ब्रँड नेते आमदार भास्कर जाधव यांच्यावर सोपवण्यात आली आहे. जाधव यांच्याच उपस्थितीत रविवारी हा मेळावा होणार आहे. या मेळाव्यात कोल्हापूर उत्तर, दक्षिणसह करवीरमधील कार्यकर्त्यांची मते जाणून घेतली जाणार आहेत. सद्यस्थितीत या तिन्ही मतदारसंघावर काँग्रेसचे वर्चस्व आहे. त्यामुळे या तीन जागा मिळवताना शिवसेना ठाकरे गटाला मोठी ताकद लावावी लागेल.