या निवडणुकीतही माझ्या विजयाची नौका सहज पैलतीरी जाईल

फोटोन 22551

माझ्या विजयाची नौका सहज पैलतीरी जाईल
पालकमंत्री हसन मुश्रीफ यांचा विश्‍वास : मुरगूडमध्ये बुलेट सवारी

मुरगुड, ता. ३१ ः मी कोणतेही काम मनापासून करतो. माझी नियत साफ आहे, तितकीच दानतही आहे. तुमच्याच आशीर्वादाच्या जोरावर यावेळच्या निवडणुकीतही माझ्या विजयाची नौका पैलतीरी सहज जाईल, असा विश्वास पालकमंत्री हसन मुश्रीफ यांनी येथे व्यक्त केला.
मुरगुड येथील प्रचार बैठकीत ते बोलत होते. बिद्रीचे संचालक प्रवीणसिंह पाटील प्रमुख उपस्थित होते. मंत्री मुश्रीफ यांनी जनसंपर्कासाठी बुलेट सवारी केली. त्यांनी रुग्णांच्या घरी गाठीभेटी घेत विचारपूस केली.
मंत्री मुश्रीफ म्हणाले, ‘मुरगूड नगरी ही आमचे राजकीय गुरू माजी खासदार सदाशिवराव मंडलिक यांची जन्मभूमी आहे. त्यामुळे या नगरीचा सर्वांगीण विकास करणे हे आमचे कर्तव्य आहे. येथील अंबाबाई मंदिरासाठी निधी असेल किंवा अन्य सर्व कामे करण्याकडे लक्ष दिले. राहिलेली विकासकामे पूर्ण केली जातील. मला मोठ्या मताधिक्याने निवडून देऊन पुढील पाच वर्षे काम करण्याची संधी द्यावी.’
प्रवीणसिंह पाटील म्हणाले, ‘अनेक वर्षे मुश्रीफ यांच्या विरोधात लढलो. पण, एका वळणावर त्यांच्या बाजूला आम्ही उभे राहिलो, ते आजतागायत त्यांच्याबरोबर आहे. चौदा वर्ष रखडलेल्या मंदिराचे काम त्यांनी पूर्णत्वाकडे नेले.
दिग्विजय पाटील म्हणाले, ‘मंत्री मुश्रीफ यांना या मताधिक्याने निवडून देऊया. पुन्हा विरोधकांनी नादच केला नाही पाहिजे.’
रणजित सूर्यवंशी, दिगंबर परीट, कॉम्रेड अशोक चौगुले यांनी मनोगत व्यक्त केले. जगन्नाथ पुजारी, विकास पाटील, आदी उपस्थित होते.

चौकट
आज काय अवस्था?
प्रवीणसिंह पाटील म्हणाले, ‘स्वर्गीय विश्वनाथआण्णा पाटील नगराध्यक्ष असताना येथील तलावातील पाण्याचा हक्क मुरगूडला पुरेल एवढा ठेवून शासन निर्णय काय घेईल घेऊ दे, अशी मंजुरी दिली होती. मात्र, आज काय अवस्था आहे?