नेसरीत जनजागृती

नेसरीत ‘अंनिस’तर्फे जनजागृती
नेसरी : येथील बसस्थानक परिसरातामध्ये प्रतापराव गुजर चौकात अंधश्रद्धेपोटी अज्ञाताने टाकलेले साहित्य अंधश्रद्ध निर्मूलन समितीने नष्ट करून जनजागृती केली. बसस्थानक परिसरात साहित्य पडल्याची माहिती अंनिसचे कार्यकर्ते रवी भोसले यांनी शाखाध्यक्ष तथा तळेवाडीचे माजी सरपंच एस. एन. देसाई यांना दिली. त्यानंतर अंनिस कार्यकर्ते रामकृष्ण गुरव, प्रकाश गुरव, अनिकेत नाईक, रवी चव्हाण, जानबा बुगडीकटीकर यांनी नेसरी पोलिस ठाण्यात माहिती दिली. नेसरी सहाय्यक पोलिस निरीक्षक संदीप कांबळे, शिवाजीराव पाटील, संजय जाधव यांच्या उपस्थितीत अंनिस कार्यकर्त्यांनी घटनास्थळी जनजागृती केली.