Accident News: कंटेनरच्या धडकेत मोटरसायकलस्वार गंभीर जखमी

Nagav News: कंटेनरच्या धडकेत मोटारसायकलस्वार गंभीर जखमी झाला. मोहम्मदअरिफ मोहम्मदइसाक बेपारी (वय २५, रा. सदर बाजार, कोल्हापूर) असे जखमीचे नाव आहे. पुणे - बंगळूर राष्ट्रीय महामार्गावरील शिरोली एमआयडीसी येथील मयूर फाटा येथे सेवा मार्गावर आज दुपारी सव्वा बारा वाजता हा अपघात घडला.

याबाबत घटनास्थळी व पोलिसातून मिळालेली माहिती अशी, मयूर फाटा येथे महामार्गाच्या सहापदरीकरणाचे काम सुरू असल्याने महामार्गावरील वाहतूक सेवा मार्गावर वळविण्यात आली आहे. बेपारी हा मोटारसायकलवरून शिरोली एमआयडीसीत निघाला होता. त्याचवेळी मागून भरधाव येणाऱ्या ट्रकने मोटारसायकलीस जोराची धडक दिली. यामध्ये बेपारी हा गंभीर जखमी झाला.