05014
अडीच लाखांचा ऐवज
पर्ससह केला परत
पन्हाळगडावरील गाईडचा प्रामाणिकपणा
पन्हाळा, ता. ३१ ः सध्या उन्हाळी सुटीचा हंगाम सुरू असल्याने पन्हाळगडावर पर्यटकांची गर्दी होत आहे. शुक्रवारी येथील निसार नगारजी या गाईडने अडीच लाखांच्या ऐवजासह पर्स परत करत प्रामाणिकपणा दाखवला.
पन्हाळगडावर सुटीमुळे नेहमी गर्दी असते. येथे तबक उद्यान परिसरात एका महिलेची पर्स पडली. याची त्या महिलेला जाणीव नव्हती. त्याच परिसरात निसार नगारजी हा गाईड दुसऱ्या पर्यटक कुटुंबाला घेऊन गेला होता. त्याला तिथे काळ्या रंगाची पर्स सापडली. ती त्याने उचलून थेट गस्तीसाठी आलेल्या पोलिसांच्या ताब्यात दिली. यादरम्यान तेथे पर्स गहाळ झालेली महिला आली. निसारने त्यांना धीर देत सरळ पन्हाळा पोलिस ठाण्यात आणले. सापडलेली पर्स त्यांची असल्याचे पोलिसांना सांगितले. त्यानंतर पोलिसांनी ओळख पटवून पर्स महिलेच्या स्वाधीन केली. पर्समध्ये दीड तोळ्याचे सोन्याचे मंगळसूत्र व ८० हजार रुपये रोख रक्कम असा अडीच लाखांचा ऐवज होता. निसारने पर्स परत करून प्रामाणिकपणा दाखला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
