सायकलस्वार मुलगा वाहनाच्या धडकेत जखमी

सायकलस्वार मुलगा
वाहनाच्या धडकेत जखमी
सरवडे : आकनूर (ता. राधानगरी) येथील प्रतीक विक्रम पाटील याच्या सायकलला अनोळखी वाहनाने धडक दिल्याने तो गंभीर जखमी झाला. त्याला कोल्हापूर येथे खासगी रुग्णालयात दाखल केले आहे. घटनेची नोंद राधानगरी पोलिस ठाण्यात झाली आहे. प्रतीक पाटील सरवडे येथून आकनूरकडे सायकलवरून येत होता. दूधगंगा नदी पुलाजवळ आला असता अनोळखी वाहनाने त्याच्या सायकलला जोराची धडक दिली. तो पुलाच्या कठड्यावर आपटल्याने त्याच्या चेहऱ्याला गंभीर जखम झाली. प्रतीक खोराटे विद्यालयात नववीच्या वर्गात शिकत आहे.