सांगलीच्या त्या युवकाचा मृतदेह हसूरमध्ये आढळला

पाय घसरून कृष्णेत
पडलेल्या युवकाचा
मृतदेह आढळला हासूरला

शिरोळ ः सांगली येथे स्मशानभूमीजवळ कृष्णा नदीवरील बंधाऱ्यावरून पाय घसरून कृष्णा नदीत पडलेल्या युवकाचा मृतदेह हासूर (ता. शिरोळ) येथे सापडला. मोईन गौसपाक मोमीन ऊर्फ चहावाले (वय २४, हनुमाननगर, चौथी गल्ली, १०० फूट सांगली) हा युवक कृष्णा नदीत पडला होता. दोन दिवसांपासून शोधमोहीम सुरू होती. अखेर हासूर यथील कृष्णा नदीकाठावर या युवकाचा मृतदेह मंगळवारी आढळला आहे. याबाबतची वर्दी शकील अब्बास सनदी (सांगली) यांनी शिरोळ पोलिसांत दिली आहे.