कबड्डी स्पर्धांना येळवडेत प्रारंभ

कबड्डी स्पर्धांना येळवडेत प्रारंभ
राशिवडे बुद्रुक : येळवडे (ता. राधानगरी) येथे शिवभक्त कबड्डी स्पोर्टसच्या वतीने गुरुवार (ता. २) पासून दोन दिवस कबड्डी स्पर्धांना सुरुवात झाली. ३५ किलो व ५५ किलो वजनी गटांमध्ये या स्पर्धा होणार असून, सायंकाळी पाचपासून रात्री उशिरापर्यंत प्रकाशझोतात येथील प्राथमिक शाळेच्या पटांगणावर होणार आहेत. ३५ किलो वजनी गटासाठी अनुक्रमे १५ हजार, १० व सात हजार रुपये आणि चषक यासह वैयक्तिक बक्षिसे, तर ५५ किलो वजनी गटासाठी २१, १५ व १० हजारसह चषक व वैयक्तिक बक्षिसे असतील. येथील प्राथमिक शाळेच्या पटांगणावर कबड्डी मैदान तयार केले असून, प्रेक्षकांसाठी गॅलरीची व्यवस्था स्टेडियम पद्धतीने केली आहे.