राशिवडे कार्यक्रम

मोहन धुंदरेंकडून
दोन क्षयरुग्ण दतक
राशिवडे बुद्रुक : येथील सामाजिक कार्यकर्ते मोहन तुकाराम धुंदरे यांनी वाढदिवसावर होणारा अतिरिक्त खर्च टाळून दोन क्षयरुग्ण दतक घेतले आहेत. या रुग्णांना पोषण आहार किट त्यांच्या हस्ते येथील प्राथमिक आरोग्य केंद्रात देण्यात आले. जिल्हाधकारी अमोल येडगे व जिल्हा क्षयरोग अधिकारी डॉ. हर्षला वेदक यांनी राष्ट्रीय क्षयरोग दुरीकरण कार्यक्रमांतर्गत निक्षयमित्र होऊन क्षयरुग्णांना पोषण आहारासाठी सहाय्य व वाढदिवसाच्या वेळी येणारा अतिरिक्त खर्च टाळून क्षयरुग्ण दतक घ्या, असे आवाहन केले होते. त्याला प्रतिसाद म्हणून धुंदरे यांनी दोन क्षयरुग्ण दतक घेतले आहेत. ते दरवर्षी वाढदिवसानिमित्त आरोग्य शिबिर, वृक्षारोपण, विद्यार्थिनींना शालेय साहित्य वाटप असे सामाजिक उपक्रम राबवितात. यावेळी आरोग्य सहायक महेश देशपांडे, दिगंबर कुंभार, मंगेश मगदूम, वैद्यकीय अधिकारी डॉ. यशश्री नवघरे, जावेद सनदी आदी उपस्थित होते.