Man Pushed From Platform : मिरज येथील रेल्वे स्थानकात भंगार गोळा करणाऱ्या तरुणासोबत झालेल्या वादातून प्लॅटफॉर्मवर ढकलून दिल्यानंतर डोके आपटल्याने एकाचा मृत्यू झाला. सतीश मोहिते (वय ३२, रा. कोल्हापूर) असे मृताचे नाव आहे. याप्रकरणी रेल्वे पोलिसांनी एका संशयिताला अटक केली आहे. सोमवारी रात्री प्लॅटफॉर्म क्रमांक दोनवर ही घटना घडली.
मृत मोहिते भंगार आणि बाटल्या गोळा करीत होता. त्याच भागात तो राहत होता. सोमवारी रात्री साडेनऊच्या सुमारास दुसऱ्या एका भंगार गोळा करणाऱ्या तरुणासोबत त्याचा दारूच्या नशेत वाद झाला.संशयिताने त्याला ढकलून दिल्याने प्लॅटफॉर्मवर डोके आपटल्याने त्याचा जागीच मृत्यू झाला.
मिरज रेल्वे पोलिसांनी संशयिताला ताब्यात घेत सतीशचा मृतदेह उत्तरीय तपासणीसाठी शासकीय रुग्णालयात पाठवला. त्यात डोक्याला मार लागून त्याचा मृत्यू झाल्याचे पोलिसांनी सांगितले. पोलिसांनी संशयिताला ताब्यात घेत त्याच्यावर गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.