वारणा धरण परिसर चार महिने अंधारात

तुरुकवाडी : वारणा धरण चार महिन्यांपासून अंधारात असल्याने धरणाची सुरक्षितता धोक्यात आली आहे. चांदोली येथे ३४.४० टीएमसी साठवण क्षमता असणारे महाराष्ट्रातील मातीचे बांधकाम असणारे मोठे धरण आहे.धरणाच्या पायथागृहात वीजनिर्मिती केली जाते. मात्र वीज निर्माण करणारे धरणच अंधारात आहे. धरणाच्या सुरक्षिततेची जबाबदारी सांगली, कोल्हापूर जिल्हा पोलिसांकडे आहे.

कोल्हापूर हद्दीत कोल्हापूर पोलिस तर मेन गेट, धरणाच्या उजवीकडील भाग सांगली पोलिस यंत्रणा सुरक्षा देत आहे. धरण चांदोली अभयारण्यालगत असल्याने वाघ, गवे, अस्वल, मगर आदी हिंस्त्र प्राण्यांचा वावर धरण परिसरात नित्याचा आहे.

धरण परिसराला वीजपुरवठा करणारा ट्रान्सफॉर्मर जळाला असल्याने वीजपुरवठा खंडित झाला आहे. दोन दिवसात वीजपुरवठा सुरळित केला जाईल.

- टी. ए. धामणकर, शाखा उप अभियंता, वारणा धरण