Shoumika Mahadik : गोकुळमध्ये बंटी पाटील गटाला धडक देणाऱ्या शौमिका महाडिक नेमक्या कोण? | Sakal
sakal

बोलून बातमी शोधा

Shoumika Mahadik

शौमिका महाडिक यांनी कोल्हापूर जिल्हा परिषदेचं माजी अध्यक्षपद भूषवलं आहे.

Shoumika Mahadik : गोकुळमध्ये बंटी पाटील गटाला धडक देणाऱ्या शौमिका महाडिक नेमक्या कोण?

Who is Shoumika Mahadik : यंदाही गोकुळ दूध संघाची वार्षिक सर्वसाधारण सभा नेहमीप्रमाणे वादळी ठरली. सत्ताधारी सतेज पाटील, हसन मुश्रीफ गट विरुद्ध महाडिक गट असा सामना आज बावड्यातील महासैनिक दरबार हॉलमध्ये रंगल्याचे पहायला मिळाले. महाराष्ट्रातील आघाडीचा दूध संघ म्हणून गोकुळकडे पाहिले जाते. गोकुळची निवडणूक ते गोकुळचा कारभार आणि कारभारी यांच्याकडे नेहमीच अख्ख्या जिल्ह्याचे लक्ष लागलेले असते.

आजच्या सभेतही दरवर्षीप्रमाणे सत्ताधारी आणि विरोधक यांच्यातील खंडाजंगी पहायला मिळाली. सभेसाठी विरोधक सभासदांना बसण्यास जागा न दिल्याने महाडिक गटाच्या संचालिका शौमिका महाडिक यांनी आक्रमक पवित्रा घेतला. ज्या सभासदांनी आम्हाला निवडून दिलं, त्यांच्यासाठी जागा नसेल तर मी मंचावर येणार नाही, असं शौमिका महाडिक म्हणाल्या. दरम्यान, यावेळी महाडिक घराण्याचं शक्ती प्रदर्शनही पहायला मिळालं.

हेही वाचा: Crime : इचलकरंजीत कामगाराच्या मुलाचा निर्घृण खून; धारधार शस्त्राने केले वार

आज या सभेत आक्रमक भूमिका घेतली होती विरोधी पक्षातील शौमिका महाडिक यांनी. कोण आहेत या शौमिका महाडिक? शौमिका महाडिक या भाजपचे माजी आमदार अमल महाडिक यांच्या पत्नी आहेत. माजी आमदार महादेवराव महाडिक हे त्यांचे सासरे तर भाजपचे राज्यसभा खासदार धनंजय महाडिक हे त्यांचे दीर आहेत. शौमिका महाडिक यांनी कोल्हापूर जिल्हा परिषदेचं माजी अध्यक्षपद भूषवलं आहे. त्या जिल्हा परिषद सदस्य होत्या. (who is shaumika mahadik gokul kolhapur)

सभा शांततेत पार पडावी, सर्व सभासदांच्या प्रश्नांची उत्तरे समर्पक मिळावीत, अशी आमची भूमिका असल्याची प्रतिक्रिया गोकुळच्या संचालिका आणि महादेवराव महाडिक यांच्या स्नुषा शौमिका महाडिक यांनी मांडली आहे. या सर्वसाधारण बैठकीत सर्वसामान्यांचे प्रश्न आहेत तेच आम्ही मांडणार आहोत. वर्षभरात उत्पादक आमच्याकडे आले आहेत. त्यांचेही काही प्रश्न आहेत. साध्या प्रश्नांची व्यवस्थित मिळावीत, अशी अपेक्षा असल्याचेही त्यांनी आज नमूद केले होते.

हेही वाचा: Girlfriend : धोका देणाऱ्या गर्लफ्रेंडची 'ही' असतात लक्षणे; वेळीच सावध व्हा नाहीतर...

मागील वर्षी मे महिन्यात गोकुळ दूधसंघाची निवडणूक झाली होती. या निवडणुकीत महाडिक गटाकडून त्यांनी 43 मतांनी विजय मिळवला होता. त्यावेळी शौमिका महाडिक आणि सतेज पाटील-मुश्रीफ गटाच्या अंजना केदारी रेडेकर यांच्यात चुरस झाली होती. शौमिका महाडिक गेल्यावर्षी पहिल्यांदाच गोकुळच्या संचालक म्हणून निवडून आल्या होत्या. तेव्हापासून त्यांनी गोकुळ दूध संघाच्या प्रश्नांवरुन सत्ताधाऱ्यांवर प्रश्नांची सरबत्ती केली आहे.

Web Title: Who Is Shaumika Mahadik Gokul Kolhapur Satej Patil And Hasan Mushrif Group Opposition

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..