कोल्हापूर : महागाईची झळ सोसत असताना घरगुती गॅसच्या दरामध्ये वाढ झाल्याने महिला वर्गातून आज संताप व्यक्त झाला. पन्नास रुपयांची वाढ झाल्याने सर्वसामान्यांनी जगायचे कसे, असा प्रश्न उपस्थित झाला. दरम्यान, पेट्रोल-डिझेलमध्ये प्रत्येकी (Petrol-Diesel Price Hike) दोन रुपयांच्या झालेल्या दरवाढीचा परिणाम ग्राहकांवर होणार नाही, असे कोल्हापूर जिल्हा पेट्रोल डीलर्स असोसिएशनचे (Kolhapur District Petrol Dealers Association) अध्यक्ष गजकुमार माणगावे यांनी सांगितले.