कुडित्रे (कोल्हापूर) - आमशी, बोलोली (ता. करवीर) येथे दुचाकी घसरल्याने झालेल्या अपघातात तरुण जागीच ठार झाला. गणेश शामराव पाटील (वय 22 रा. बोलोली पैकी दुर्गुळेवाडी) असे त्याचे नाव आहे. ही घटना आज (ता. २८) सकाळी सात वाजता घडली. घटनेची नोंद करावीर पोलिसात झाली.
घटनास्थळावरून मिळालेल्या माहितीनुसार, गणेशचे वडील शामराव पाटील हे ऊस तोडणी मजूर म्हणून काम करतात. शेतीच्या कामानिमित्त ते गावाकडे आले होते. त्यांच्या बदल्यात गणेश हा ऊस तोडणीच्या कामासाठी आज दुचाकीवरून (नंबर एम एच 09 बि डी 7508 ) जात होता. पहाटे सात वाजता आमशी ते बोलोली दरम्यान एका उसाच्या ट्रॅक्टर ट्रॉलीला ओव्हरटेक करत असताना. गणेश रस्त्याच्या साईट पट्टी वरून गाडी रस्त्यावर घेत होता. या वेळी गाडी स्लीप झाली आणि गणेश उसाने भरलेल्या ट्रॉली च्या चाकाखाली आला. ट्रॉली त्याच्या अंगावरून गेली नाही, मात्र ट्रॉलीबरोबर गणेश गाडीसह फरपडत गेला. यामध्ये त्यांच्या डोक्याला जबर मार बसला आणि तो जागीच ठार झाला. गणेश हा एकुलता एक मुलगा होता, गणेशच्या मृत्यूनंतर बोलोली बारा वाड्या परिसरात शोककळा पसरली आहे.
साईट पट्टीने घेतला तरुणाचा बळी
कोल्हापूर -गगनबावडा मार्गावर व वाड्या-वस्त्यांवर रस्ते डांबरीकरण केल्यानंतर साईट पट्टीवर मुरूम टाकला जात नाही. कोल्हापूर- गगनबावडा मार्गावर मोठ्या प्रमाणावर साईट पट्टीवरून गाडी स्लिप होऊन अपघात होत आहेत. याला कोण जबाबदार? असे प्रश्न नागरिकांतून विचारले जात आहेत.
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
