चंदगड - सोनारवाडी (ता. चंदगड) येथील २४ वर्षीय तरुणाला कोरोनाची लागण झाल्याचे स्पष्ट झाले. आरोग्य विभागाला आज त्याचा अहवाल प्राप्त झाला. १४ तारखेला तो मुंबईहून गावाकडे आला होता. गावातील शाळेत अलगीकरण कक्षात त्याला ठेवण्यात आले होते.
संबंधित तरुण मुंबई येथील घाटकोपर परिसरातून खासगी गाडीने गावाकडे आला होता. १३ तारखेला दुपारी तो मुंबईहून गावाकडे निघाला. पहाटे एकच्या सुमारास कोल्हापूर येथील सीपीआर रुग्णालयात त्याचा स्वॅब तपासणीसाठी घेण्यात आला. त्यानंतर तो गावाकडे आला.
सोनारवाडी येथे गावातील शाळेत अलगीकरण कक्षात त्याला ठेवण्यात आले होते. आज त्याचा अहवाल प्राप्त झाल्यानंतर गावात भितीचे वातावरण पसरले. पोलीस निरीक्षक अशोक सातपुते यांनी तातडीने गावात येऊन खबरदारीच्या सुचना दिल्या. अत्यावश्यक सेवा वगळता सर्व व्यवहार बंद करण्यात आले. संबंधीत रुगणाला पुढील उपचारासाठी सीपीसार मध्ये हलवणार असल्याचे तालुका आरोग्य अधिकारी डॉ. आर.के. खोत यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.