Ladki Bahin Yojana Restart : योजनेतून वगळलेल्या 'लाडक्या बहिणींना' न्याय मिळणार? बंद झालेला लाभ पूर्ववत करण्यासाठी डफळापुरात मोठे आंदोलन, महिला आक्रमक

डफळापूर : विविध कारणांमुळे मुख्यमंत्री माझी लाडकी बहीण योजनेतून वगळण्यात आलेल्या पात्र महिलांना पुन्हा योजनेत सहभागी करून घ्यावे, तसेच बंद करण्यात आलेला आर्थिक लाभ पूर्ववत सुरू (Ladki Bahin Yojana excluded women Maharashtra) करावा, अशी मागणी अखिल भारतीय जनवादी महिला संघटनेच्या वतीने करण्यात आली. याबाबत संघटनेच्या पदाधिकारी व कार्यकर्त्यांनी जतचे तहसीलदार प्रवीण धानोरकर यांना निवेदन देऊन महिलांच्या प्रश्नांकडे प्रशासनाचे लक्ष वेधले.