जयंत पाटील, प्रतीक पाटील की सुमनताई? 'या' मतदारसंघांतून कोणाला मिळणार उमेदवारी? कार्यकर्त्यांच्या मागणीने चर्चांना उधाण

सांगली : राष्ट्रवादी काँग्रेस पक्षाने (शरद पवार गट) सांगली, हातकणंगले किंवा कोल्हापूर (Kolhapur) यापैकी एक मतदारसंघात लढावे, अशी आग्रही मागणी जिल्ह्यातील कार्यकर्त्यांनी प्रदेशाध्यक्ष जयंत पाटील यांच्याकडे केली. राष्ट्रवादी कार्यालयात आयोजित आढावा बैठकीत यावर चर्चा झाली.

सांगली (Sangli) आणि हातकणंगले मतदारसंघातून जयंत पाटील यांचे चिरंजीव प्रतीक पाटील, तासगावच्या आमदार सुमन पाटील यांच्या नावाचा विचार व्हावा, असे मुद्देही मांडण्यात आले.

जयंत पाटील यांनी यावेळी महाविकास आघाडीसोबतचे (Mahavikas Aghadi) जागा वाटपाचे धोरण आणि त्यानंतर पक्षाचे नियोजन यानुसार निर्णय घेतले जातील, अशी ग्वाही दिली. हातकणंगले आणि सांगली मतदारसंघातून प्रतीक पाटील यांचे नाव आधीपासूनच चर्चेत आहे.