Belgaum News : महाराष्ट्र एकीकरण समिती कार्यकर्त्यांवर गुन्हे दाखल...

बेळगाव : एक नोव्हेंबर रोजी काळा दिनानिमित्त महाराष्ट्र एकीकरण समितीतर्फे विनापरवाना निषेध फेरी काढल्याचा ठपका ठेवत पोलिसांनी समितीच्या कार्यकर्त्यांवर गुन्हे दाखल केले आहेत, मात्र समिती कार्यकर्त्यांना गुन्हे नवीन नाहीत, अशा प्रतिक्रिया कार्यकर्त्यांतून व्यक्त होत आहे..जिल्हा प्रशासनाने एक नोव्हेंबर रोजी काळा दिनानिमित्त फेरी काढण्यास परवानगी नाकारली होती, तरीही महाराष्ट्र एकीकरण समितीच्या आवाहनाला प्रतिसाद देत कार्यकर्त्यांनी रस्त्यावर उतरून जोरदार आंदोलन केले.महाराष्ट्र एकीकरण समिती गेली ६८ वर्षे केंद्र सरकारच्या विरोधात लढा देत आहे. त्यामुळे पोलिसांनी समितीच्या नेत्यांसह कार्यकर्त्यांवर गुन्हा दाखल केला आहे. यात माजी आमदार मनोहर किणेकर, माजी महापौर मालोजी अष्टेकर, प्रकाश मरगळे, रमाकांत कोंडुसकर, रणजित चव्हाण-पाटील, अमर येळ्ळूरकर, गजानन पाटील, नेताजी जाधव, अंकुश केसरकर, विकास कलघटगी, मदन बामणे, सचिन केळवेकर, प्रशांत बामणे, किरण गावडे, महादेव पाटील, शुभम शेळके, रेणू किल्लेकर, सरस्वती पाटील, सरिता पाटील, किरण हुद्दार, दत्ता उघाडे, श्रीकांत कदम, चंद्रकांत कोंडुसकर, संतोष कृष्णाचे, गुंडू कदम, सुनील बाळेकुंद्री, गणेश दड्डीकर, प्रकाश शिरोळकर, आर. एम. चौगुले, सुधीर चव्हाण, मल्लप्पा पाटील, नागेश पाटील, सूरज येळ्ळूरकर, श्रीकांत चव्हाण, सदा चव्हाण, किरण मोदगेकर, शिवाजी मंडोळकर यांच्यासह अन्य कार्यकर्त्यांवर गुन्हा दाखल केला आहे.हेही वाचा.Black Day Belgaum : काळ्यादिनी मराठी भाषिकांनी आपली ताकद दाखवून द्या; म. ए. समितीचं आवाहन.महाराष्ट्र एकीकरण समिती बेळगाव, निपाणी, कारवार, बिदर, भालकीसह ८६५ मराठी गावे केंद्र सरकारने अन्यायाने कर्नाटकात डांबल्याच्या निषेधार्थ दरवर्षी केंद्र सरकार विरुद्ध काळा दिन पाळून निषेध फेरी काढली जाते; पण कर्नाटक सरकारकडून मराठी भाषिकांवर अन्याय सुरूच असून, मराठी बहुल भाग कन्नड दाखविण्याचा प्रयत्न सुरू आहे. सीमाप्रश्नासाठी शांतता मार्गाने फेरी काढूनदेखील समिती नेते आणि कार्यकर्त्यांविरोधात गुन्हा दाखल करण्यात आला आहे.समितीतर्फे काळा दिनाबाबत प्रशासनाकडे रीतसर परवानगीचा अर्ज दाखल करण्यात आला होता, मात्र, दरवेळीप्रमाणे परवानगी देण्यास चालढकल करण्यात आली. तरीही समितीच्या कार्यकर्त्यांनी हजारोंच्या संख्येने उपस्थित आपला निषेध नोंदवला. त्यामुळे पोटशूळ उठलेल्या कर्नाटकी पोलिसांनी गुन्हे दाखल केले आहेत, मात्र, समितीला गुन्हे नवीन नाहीत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.