Miraj Panchayat Samiti : मिरज पंचायत समितीच्या इमारतीवर डॉ. आंबेडकर यांच्या नावाचा फलक; अधिकारी गैरहजर अन् पोलिसांसमोरच चिटकवली अक्षरे, नामकरणावरून गोंधळ सुरु

मिरज : मिरज पंचायत समितीच्या (Miraj Panchayat Samiti) नूतन इमारतीवर काल रात्री आंबेडकरी चळवळीतील कार्यकर्त्यांनी ''भारतरत्न डॉ. बाबासाहेब आंबेडकर मिरज पंचायत समिती प्रशासकीय इमारत'' असा फलक लावला. सकाळी नऊच्या सुमारास पूर्व भागातील कार्यकर्त्यांनी एकत्र येत अचानकपणे अक्षरे चिटकवली. पोलिसही उपस्थित होते. अधिकारी कोणीही उपस्‍थित नव्हते. प्रभारी गटविकास अधिकारी किरण सायमोतेनी प्रतिक्रिया दिली नाही.