बेळगाव - अवघ्या सहा दिवसाच्या स्त्री जातीच्या अर्भकाचा कुंचीमुळे श्वास गुदमरून दुर्दैवी मृत्यू झाला. रविवार (ता. १०) नेहरूनगर येथील एका खाजगी रुग्णालयात ही घटना घडली असून या प्रकरणी एपीएमसी पोलीस ठाण्यात गुन्हा दाखल झाला आहे.
याबाबत पोलिसांतून समजलेली अधिक माहिती अशी, सुळगा हिंडलगा येथील ज्योती सागर जाधव (वय २१) या महिलेला बाळंतपणासाठी नेहरूनगर येथील एका खासगी रुग्णालयात दाखल करण्यात आले होते. सोमवार (ता.४) तिच्यावर शिजरिंग करण्यात आले. त्यावेळी त्यांनी स्त्री जातीच्या अर्भकाला जन्म दिला. सहा दिवसाच्या अर्भकाला कुंची घालून ती गळ्याला घट्ट आवळण्यात आली. त्यामुळे श्वास गुदमरून अर्भकाचा काल मृत्यू झाला. त्यामुळे मातेसह मृत अर्भकाला घरी नेण्यात आले. आज ही घटना समजताच एपीएमसी पोलिसांनी घटनास्थळी भेट देऊन पंचनामा केला. अवघ्या सहा दिवसाच्या अर्भकाला कुंचीमुळे जीव गमवावा लागल्याने हळहळ व्यक्त करण्यात येत आहे. एपीएमसीचे पोलीस निरीक्षक मंजुनाथ हिरेमठ अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
