मटनाचे दर भिडले गगनाला

पंढरपूर : मटनाचे दर गगनाला भिडल्यामुळे येथील मांसाहारी खवय्यांची पंचाईत झाली आहे. कोल्हापूरमधील खवय्यांनी नुकतेच आंदोलन केल्याने तेथील मटन विक्रीचा दर 560 रुपयांवरून 480 रुपये प्रतिकिलो असा निश्‍चित केला आहे. त्याच धर्तीवर सोलापूर जिल्ह्यातही प्रशासनाने मटनाचे दर निश्‍चित करावेत, अशी मागणी खवय्यांमधून होत आहे.

हे ही वाचा... पोलिस निरीक्षक अडकले चौकशीच्या जाळ्यात

पंढरपूर शहर व परिसरात मटन विक्रीची सुमारे 25 ते 30 दुकाने आहेत. शहरातील मटन मार्केट, वाखरी रस्ता, टाकळी रस्ता, देगाव रस्ता, कासेगाव रस्ता या ठिकाणी मटनाची दुकाने आहेत. आठवड्यातील मंगळवार, बुधवार, शुक्रवार व रविवारी मटनाच्या दुकानात मांसाहारी खवय्यांची गर्दी दिसून येते. काही महिन्यांपूर्वी या दुकानांमधून एका किलोला 480 ते 500 रुपयांच्या दरम्यान मटन विक्री केली जात होती.

हे हा वाचा... तुतारीतून झकास ललकारी काढणारा कोल्हापुरी महेश...

मागील पंधरवड्यात कोल्हापूरमध्ये मटनाचे दर वाढल्याने तेथील मांसाहार करणाऱ्या लोकांनी या भाववाढीविरोधात आंदोलन केले होते. तेव्हा तेथील जिल्हा प्रशासनाने मटन विक्रते व खवय्ये यांच्यामध्ये तोडगा काढत 480 रुपये प्रतिकिलो दर निश्‍चित केला आहे. त्याच धर्तीवर सोलापूर जिल्ह्यातही प्रशासनाने मटनाचा दर ठरवून द्यावा, अशी मागणी खवय्यांमधून होत आहे. 

ब्रॉयलर चिकनला पसंती
मटन परवडत नसल्याने आम्ही नाइलाजास्तव 180 रुपये किलो असलेल्या ब्रॉयलर चिकन खाण्याला पसंती दिली आहे. 
- मारुती बिले, टाकळी, पंढरपूर 

ग्राहकांच्या गर्दीवर परिणाम
मटनाचे दर वाढल्याने आम्हा हॉटेल व्यावसायिकांनादेखील मटन डिशेसचे दर वाढवावे लागणार आहेत. त्यामुळे ग्राहकांच्या गर्दीवर परिणाम होण्याची शक्‍यता आहे. 
- उत्तम अभंगराव, हॉटेल व्यावसायिक, पंढरपूर 

महाराष्ट्र