सोलापूर : विजापूर नाका हद्दीत एका तरुणाने लहान मुलाचा गळा दाबून खुनाचा प्रयत्न केला. या प्रकरणात 307 कलम दाखल होणे अपेक्षित असतानाही साधा गुन्हा (एनसी) दाखल करण्यात आल्याची चर्चा आहे. अन्य पोलिस ठाण्यांमध्येही घडलेल्या अशा गंभीर प्रकरणांची दखल घेत पोलिस आयुक्त अंकूश शिंदे यांनी विभागीय चौकशीचे आदेश दिले आहेत. विजापूर नाका पोलिस ठाण्यासह अन्य पोलिस ठाण्यातील तत्कालीन अधिकाऱ्यांच्या अशा कारनाम्यामुळे पोलिस आयुक्तालयात चर्चेला उत आला आहे.
गुन्ह्यात जप्त केलेली रोकड कमी दाखवणे, गुन्ह्यातून काही आरोपींचे नाव परस्पर कमी करणे, गुन्ह्याचे स्वरूप गंभीर असतानाही कलमात बदल करणे अशा प्रकरणांची ओरड सातत्याने आयुक्तांकडे येत होती. तत्पूर्वी, अशा प्रकरणातील काही पोलिस अधिकारी व कर्मचाऱ्यांची विभागीय चौकशीही सुरु होती. या पार्श्वभूमीवर पोलिस आयुक्त श्री. शिंदे यांनी एकाचवेळी सर्वच पोलिस ठाण्याचे अधिकारी बदलण्याचा निर्णय घेतला. त्यातील बहूतांश अधिकाऱ्यांना बदली झाल्याचे माहितीदेखील नव्हते. त्यांच्या निर्णयाचे सर्वत्र कौतूक झाले मात्र, त्यामागे काही वेगळी कारणे दडल्याचे आता समोर आले आहे. शहरातील नऊपैकी काही पोलिस ठाण्यातील अधिकाऱ्यांनी गुन्हा दाखल करताना केलेल्या चुका जाणिवपूर्वक झाल्या आहेत की नजरचुकीने, हे विभागीय चौकशीतून समोर येणार असल्याचे पोलिस आयुक्तालयातील सूत्रांनी सांगितले.
पोलिस अधिकाऱ्यांच्या मनमानीमुळेच बदल्या !
भांडण असो की अन्य कोणत्याही स्वरुपाचा गुन्हा करणाऱ्या आरोपींना शासन व्हावे या हेतूने फिर्यादी पोलिस ठाण्यात येतो. संबंधित पोलिस ठाण्याच्या परिसरात अवैध धंदे असू नयेत, नागरिकांना त्याचा त्रास होऊ नये अशीही अपेक्षा असते. मात्र, काही पोलिस अधिकाऱ्यांनी या सूत्राकडे दुर्लक्ष करीत स्वत:चा मनमानी कारभार सुरु केल्याची माहिती पोलिस आयुक्तांना मिळाली होती. त्या पार्श्वभूमीवर आयुक्तांनी नव्याने आलेल्या अधिकाऱ्यांना नियुक्ती देण्याचे कारण पुढे करीत त्या अधिकाऱ्यांना वटणीवर आणल्याचीही चर्चा सुरु आहे. परंतु, या बदल्या करण्याच्या निर्णयाचे सोलापुकरांनी स्वागत केल्याचेही पहायला मिळाले.
विजापूर नाका पोलिस ठाण्यात गुन्हा दाखल करताना चूक झाल्याची माहिती माझ्याकडे प्राप्त झाली आहे. त्यानुसार विभागीय चौकशीचे आदेश दिले असून चौकशी समितीच्या अहवालानुसार या प्रकरणातील दोषींवर कठोर कारवाई केली जाईल.
- अंकूश शिंदे, पोलिस आयुक्त, सोलापूर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
