पट्टणकुडीजवळ अपघातात एक ठार, तिघे जखमी

पट्टणकुडी : येथील निपाणी चिक्कोडी (Nipani Chikkodi) राज्यमार्गावर पट्टणकुडी जवळील हॉटेल एबीएनजवळ शनिवारी (ता. 19) रात्री 10.30 च्या सुमारास चारचाकी वाहनाचा अपघात (Accident) होऊन एक जण ठार तर तीघेजण जखमी झाले.

याबाबत घटनास्थळावरून मिळालेली माहिती अशी, पट्टणकुडी येथील अक्रम अनिस मुल्ला व अन्य तिघेजण इंडिका कार (एमएच 02, एएल 1159) घेऊन निपाणीहुन पट्टणकुडीकडे येत होते. हॉटेल एबीएनजवळ आल्यावर चालकाचे वाहनावरील नियंत्रण सुटल्याने वाहन रस्त्याकडेला असलेल्या एका झाडावर आदळून बाजूच्या शेतात पलटी झाले. यामध्ये अक्रम मुल्ला यांना गंभीर दुखापत झाल्याने त्यांचा मृत्यू झाला. या अपघातात सोहेल अस्कर मुल्ला (वय २१), सुभान अस्लम मुजावर (वय २०), ससिफ इजाज मुल्ला (वय २४)

या तिघांना किरकोळ दुखापत झाली आहे. आक्रम हा फरशी बसविण्याचे काम करत होता. त्याच्या मागे आई, वडील, भाऊ, बहीण असा परिवार आहे. घटनेची नोंद खडकलाट पोलिस ठाण्यात झाली आहे.