अवघ्या तासाभरातच महापौर, उपमहापौर कार्यालयातील फोटो गायब 

Photo missing from Sangli mayor deputy mayor office sangli marathi news
Photo missing from Sangli mayor deputy mayor office sangli marathi news

सांगली  : महापालिकेतील भाजपची सत्ता आज गेली. सत्तांतर झाल्यानंतर अवघ्या तासाभरातच महापौर आणि उपमहापौर कार्यालयात असलेले भाजप नेत्यांचे फोटो गायब झाले. त्या ठिकाणी आता कॉंग्रेस, राष्ट्रवादीच्या नेत्यांचे फोटो लागतील. 

महापालिकेच्या महापौर आणि उपमहापौर निवडणुकीचा निकाल भाजपच्या विरोधात गेला आणि अडीच वर्षांची सत्ता संपुष्टात आली. महापौरपदी राष्ट्रवादीचे दिग्विजय सूर्यवंशी आणि उपमहापौरपदी उमेश पाटील यांची निवड झाली. ऑनलाईन निवडणुकीत कॉंग्रेस आणि राष्ट्रवादीच्या नगरसेवकांनी कोल्हापूरमधून मतदान केले. ते चार वाजता सांगलीत आले. दिग्विजय सूर्यवंशी यांना आयुक्त नितीन कापडणीस यांनी महापौर झाल्याचे प्रमाणपत्र दिले. त्यानंतर सूर्यवंशी महापौर कार्यालयात आले आणि आघाडीच्या नेत्यांच्या उपस्थितीत त्यांनी महापौरपदाची सूत्रे घेतली. 

महापौर आणि उपमहापौर कार्यालयात यापुर्वी भाजपची सत्ता असताना प्रदेशाध्यक्ष चंद्रकांत पाटील, आमदार सुधीर गाडगीळ, आमदार सुरेश खाडे, खासदार संजय पाटील आदी नेत्यांचे फोटो होते. मात्र, आज निकालानंतर अवघ्या तासाभरात हे सर्व फोटो दोन्ही कार्यालयातून गायब झाले.  


संपादन- अर्चना बनगे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com