तासगाव (सांगली) : आटपाडी येथे केमिस्ट असोसिएशनच्या क्रिकेट स्पर्धेत खेळत असताना मैदानातच ढवळी (ता. तासगाव) येथील अतुल विष्णू पाटील (वय ३२) या औषध विक्रेत्याचा दुर्दैवी मृत्यू झाल्याची धक्कादायक घटना काल दुपारी तीन वाजण्याच्या सुमारास घडली. ढवळीचे ते उपसरपंच होते. रात्री उशिरा ढवळी येथे त्यांच्यावर अंत्यसंस्कार करण्यात आले.
सांगली जिल्हा केमिस्ट असोसिएशनच्यावतीने दरवर्षी क्रिकेट स्पर्धा भरवल्या जातात. यावर्षी त्या आटपाडी येथे सुरू होत्या. तासगाव तालुका संघातून विकेट किपर म्हणून अतुल पाटील खेळत होते. दुपारी तीन वाजण्याच्या सुमारास सामना सुरू असताना अचानक ते मैदानातच कोसळले. त्यांना तातडीने वैद्यकीय उपचारासाठी नेण्यात आले, मात्र हृदयविकाराने त्यांचा मृत्यू झाल्याचे स्पष्ट झाले. अचानक घडलेल्या याप्रकाराने सारे अक्षरशः हादरले होते. अतुल पाटील यांची तासगाव, ढवळी येथे दोन औषध दुकाने आहेत. त्यांच्या मागे पत्नी दोन मुलगे, आई, भाऊ असा परिवार आहे.
संपादन - स्नेहल कदम
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.