कोरोनाग्रस्ताच्या अंत्यविधीला गेला नि पोलिसांनी ताब्यात घेतला

पारनेर ः मुळचे तालुक्यातील रहिवाशी असलेल्या एका कुटुंबातील महीलेचे घाटकोपर येथे निधन  झाले. मात्र अंत्यविधीनंतर ही मंडळी तालुक्यातील या आपल्या मूळ गावी येत असताना त्यांना ठाणे पोलीसांनी मुरबाड येथेच ताब्यात घेतले. कारण त्याच महिलेचे निधन कोरोनाने झाले होते, असा संशय आहे.  त्यामुळे त्यांना पारनेरला येण्यापासून पोलिसांनी अडवल्याने पारनेरकर कोरोनापासून बचावल्याची भावना तालुक्यातील जनतेची झाली आहे.

या बाबत माहीती अशी की, सध्या नोकरी निमित्ताने मुंबईस आई, मुलगा व सून असे तिघे जणांचे कुटुंब  घाटकोपरला राहात होते. मंगळवारी त्या मुलाच्या आईचे निधन झाले. त्यानंतर अंत्यविधी गावाकडे करण्याचा विचार करत मुलाने खूप प्रयत्न केला. मात्र शेवटी तो यशस्वी झाला नाही. शेवटी बुधवारी रात्री घाटकोपरलाच अंत्यविधी केला. 

हेही वाचा - भंगार में अंगार... सात दुकाने झाली भस्मसात

अंत्यविधीस गावाकडून त्या मयत महिलेची मुलगी व एक नातवाईक गेले होते. त्या मुलाने आईच्या  अत्यंविधीनंतर मुलगा, त्याची पत्नी व गावाकडून दोघे असे चार जण गेले होते. ते परत येत असताना त्या चौघांनाही ठाणे पोलीसांनी मुरबाड येथे ताब्यात घेतले.
या मयत महिलेचा कोरोना व्हायरसने निधन झाले होते. त्या कुटुंबातील मुलगा व तिची सून तसेच अंत्यविधीस गेले दोघे असे चौघे पारनेर तालुक्यात आले असते तर नाहक त्रास सहन करावा लागला असता.

घाटकोपर येथीलच काही सतर्क नागरीकांनी ही माहीती प्रशासनास दिली. सर्व यंत्रणा हलली व त्यांना मुरबाड येथेच पोलीसांनी ताब्यात घेतले. त्या लोकांना कोरोनाची लागण आहे की नाही हे माहिती नाही. परंतु पारनेरकरांंच्या आरोग्याच्या दृष्टीने अधिका-यांनी ही सतर्कता बाळगली, अशी भावना तालुक्यातील जनतेची झाली आहे.