कुरळप (सांगली) ः 17 हजार रुपये किमतीचा सापडलेला मोबाईल प्रामाणिकपणे परत करुन येथील पोलिस हवलदार मनीष कुमरे यांनी आपल्या कामात असणारी तत्परता दाखवून दिली.
जमीर हारुण पटेल हे आपला ट्रक घेवून कोल्हापूर हून कराडच्या दिशेला चालले होते. कणेगाव (ता.वाळवा) येथील चेक पोस्टवरती तपासणी करण्यासाठी ते उतरले. पोस्टवरती असलेले शिक्षक धनंजय पाटोळे यांनी त्यांची सर्व माहिती घेतली. यानंतर पटेल कराडच्या दिशेने मार्गस्थ झाले. त्या दरम्यान बाजूला असलेले पोलिस मनीष कुमरे यांना रस्त्यावर मोबाईल पडलेला दिसला. त्यावेळी तो बंद पडलेला होता. कुमरे यांनी वेळ न दवडता त्या बंद पडलेल्या मोबाइल मधील सिम आपल्या मोबाइल मध्ये घातले. यानंतर मोबाइलमध्ये असलेल्या पूर्वी डायल केलेल्या संबंधित नातेवाईकांना फोन करून संबंधीत मोबाईल सापडला असल्याचे सांगितले. यानंतर पटेल यांच्या नातेवाईकांनी कणेगाव फाटा येथे येवून मोबाइल ताब्यात घेतला.
एरवी हरवलेला मोबाईल सापडणे हे आता खूपच कठीण झाले आहे. मोबाईल पडला की तो परत मिळणार नाही अशीच मानसिकता होते. बहुतांशी लोक मोबाईल हरवला की पोलिस ठाण्याची पायरी चढतात; पण चोरट्यांच्या वेगवेगळ्या चोरी करण्याच्या पद्धतीने मोबाईल चोर सहजासहजी सापडत नाही. मात्र कुमरे यांच्या सारखा प्रामाणिकपणा दाखविला तर हरविलेले अनेक मोबाईल सहजपणे सापडतील. पंधरा दिवसांपूर्वी कुरळप पोलिस ठाण्याचे सचिन मोरे यांनीही मांगले या ठिकाणच्या असणाऱ्या व्यक्तीचे अडीच तोळ्याचे सोन्याचे दागिने परत केले होते. कोरोना संकटकाळात सतर्क असलेल्या कुरळप पोलिसांची ही कामगिरी कौतुकास पात्र आहे. गृहरक्षक दलाचे सागर पाटील व निरंजन धनवडे हेही उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.