सांगली : शासनाच्या अन्यायी लॉकडाउनमुळे व्यापाऱ्यांचे हाल होत आहेत. कामगारांना जगणे अवघड झाले आहे. त्यामुळे लॉकडाउनविरोधात व्यापारी, हातगाडीवाले, हॉटेल व्यावसायिक, जीम चालक आदींनी आज जिल्हाधिकारी कार्यालयावर धडक मोर्चा काढला. सकाळी 10 वाजता विश्रामबाग चौकातून मोर्चाला प्रारंभ झाला. आम्ही सांगलीकर असा फलक घेवून विश्रामबाग चौकातून मोर्चा निघाला. लॉकडाउन हटवा अशा घोषणा देण्यात आल्या. व्यापाऱ्यांवर अन्याय करणाऱ्या राज्य सरकारचा निषेध यावेळी करण्यात आला.
मोर्चात आमदार सुधीर गाडगीळ, आमदार सुरेश खाडे, माजी आमदार दिनकर पाटील, भाजपचे शहर जिल्हाध्यक्ष दीपक शिंदे-म्हैसाळकर, जिल्हा परिषदेच्या अध्यक्षा प्राजक्ता कोरे, नगरसेवक शेखर इनामदार, गटनेते विनायक सिंहासने, नगरसेवक धीरज सूर्यवंशी, व्यापारी नेते अतुल शहा व जीम चालक यांच्या पुढाकारातून हा मोर्चा काढण्यात आला.
मोर्चावेळी पोलिसांचा मोठा फौजफाटा तैनात करण्यात आला होता. जिल्हाधिकारी कार्यालयावर मोर्चा गेल्यानंतर जोरदार घोषणाबाजी करण्यात आली. शिष्टमंडळ निवेदनासह जिल्हाधिकारी अभिजीत चौधरी यांना भेटण्यात आले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.