सांगली जिल्ह्यातील अंजनी गावात एका गरीब शेतकरी कुटुंबात जन्मलेल्या आर. आर. आबा पाटील यांची कहाणी म्हणजे खऱ्या अर्थाने प्रेरणास्रोत आहे. घरात पैशांची इतकी चणचण की कॉलेजची फी भरणंही अवघड होतं. तरीही आबांनी हार न मानता “कमवा आणि शिका” योजनेअंतर्गत काम केलं. साधी चप्पल, एक-दोन वह्या आणि अपार जिद्द यांच्या जोरावर त्यांनी शिक्षण पूर्ण केलं. त्यांच्या वक्तृत्वशक्तीने स्पर्धा जिंकत शैक्षणिक खर्च भागवला आणि स्वतःचं भविष्य घडवलं.