रेल्वे रिक्रुटमेंट बोर्डाच्या परीक्षेला जाणाऱ्या विद्यार्थ्यांसाठी परीक्षा स्पेशल बेळगाव तिरुवनंतपुरम रेल्वे | Sakal
sakal

बोलून बातमी शोधा

Railway Recruitment Board Examination Special train Students appearing Belgaum Thiruvananthapuram Railway
रेल्वे रिक्रुटमेंट बोर्डाच्या परीक्षेला जाणाऱ्या विद्यार्थ्यांसाठी परीक्षा स्पेशल बेळगाव तिरुवनंतपुरम रेल्वे

रेल्वे बोर्डाच्या परीक्षेला जाणाऱ्या विद्यार्थ्यांसाठी स्पेशल बेळगाव तिरुवनंतपुरम रेल्वे

बेळगाव : तिरुवनंतपुरम येथे होणाऱ्या रेल्वे रिक्रुटमेंट बोर्डाच्या परीक्षेला जाणाऱ्या विद्यार्थ्यांची सोय म्हणून नैऋत्य रेल्वेने परीक्षा स्पेशल बेळगाव तिरुवनंतपुरम रेल्वे उपलब्ध करून दिली आहे. परीक्षेच्या निमित्ताने उत्तर आणि दक्षिण कर्नाटकातील होणारी रेल्वेस्थानकावरील गर्दी लक्षात घेऊन ही विशेष रेल्वे सुरू केली आहे.

९ आणि १० मे रोजी रेल्वे रिक्रुटमेंट बोर्डाची परीक्षा आहे. त्यानिमित्त सात मे रोजी बेळगाव येथून विशेष रेल्वे सुटणार आहे. रेल्वे क्रमांक ०७३७१ बेळगाव-तिरुवनंतपुरम सेंट्रल रेल्वे शनिवारी (ता. ७) सकाळी सात वाजता बेळगाव रेल्वे स्थानकावरून सुटणार असून रविवारी (ता. ८) दुपारी दोन वाजता तिरुवनंतपुरम येथे पोहोचेल. तर परतीच्या प्रवासात रेल्वे क्रमांक ०७३७२ ‌तिरुवनंतपुरम सेंट्रल-बेळगाव रेल्वे सोमवारी (ता. ९) रात्री १० वाजता तिरुवनंतपुरम रेल्वे स्थानकावरून सुटणार असून बुधवारी (ता. ११) पहाटे तीन वाजता बेळगाव रेल्वे स्थानकावर पोचणार आहे.

या विशेष रेल्वेला एकूण १५ कोच जोडण्यात आले असून पैकी २ कोच वातानुकूलित, ८ कोच स्लीपर कोच तर ३ सामान्य कोच असणार आहेत. रेल्वे रिक्रुटमेंट बोर्डाच्या भरतीसाठी जाणारे तसेच इतर प्रवासी या रेल्वे सेवेचा लाभ घेऊ शकतात, असे रेल्वे खात्याने कळविले आहे.

Web Title: Railway Recruitment Board Examination Special Train Students Appearing Belgaum Thiruvananthapuram Railway

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top