मिरज ः कोरोना संकटानंतर मधल्या काळात बहुतांश व्यवहार पूर्वपदावर आले होते, मात्र रेल्वे अद्याप पूर्णपणे रुळावर आलेली नाही. रेल्वेच्या मिरज जंक्‍शनमधून जाणाऱ्या एकूण 65 पैकी केवळ 37 गाड्या सुरू झाल्या असून, अद्याप 35 गाड्या बंद आहेत. यामुळे मिरजेतील काऊंटरचे दर महिन्याचे उत्पन्न सुमारे एक कोटी रुपयांनी घटले आहे. या काळात फुकट्या प्रवाशांची संख्या मात्र कमी झालेली नाही. त्यांना तब्बल 22 लाख रुपयांचा दंड करण्यात आला आहे.
कोरोना संकटाला एक वर्ष पूर्ण झाले. मागील 22 मार्च रोजी सांगली जिल्ह्यात पहिला रुग्ण सापडला होता. याचदिवशी देशात लॉकडाऊन झाले आणि सर्व ठप्प झाले. रेल्वेला मोठा फटका बसला. आंतरराज्य वाहतूक ठप्प झाली. लोक जागेवर थांबले. बिहार, उत्तर प्रदेश राज्यातील औद्योगिक कामगार आणि बांधकाम मजुरांसह हंगामापुरते येणारे बेदाणा निर्मिती कामगार अडकून पडले होते.
मे महिन्यात काही कामगारांसाठी गाड्या सोडण्यात आल्या, मात्र रेल्वे पूर्ण सुरू व्हायला जवळपास सहा महिन्यांचा कालावधी जावा लागला. त्यानंतरही ती अद्याप पूर्ण रुळावर आलेली नाही. मुंबईत लोकल सुरू झाल्या, कर्नाटकात स्थानिक पॅसेंजर सुरू झाल्या, मात्र इथे अद्याप अडचणी असल्याने आणि पुन्हा महाराष्ट्रात कोरोना रुग्ण वाढत असल्याने त्या सुरू होतील की नाही, याबाबत अनिश्‍चितता आहे.
मिरज जंक्‍शनमध्ये महिन्याकाठी तीन कोटींचे उत्पन्न होते. ते आता दोन कोटींवर आले आहे. दरम्यान, फुकट्या प्रवाशांनकडून 22 लाख इतकी मोठी दंडात्मक कारवाई, तिकीट तपासणीसांकडून करण्यात आली. यामध्ये नावात फेरफार करून प्रवास करणे, विना तिकीट प्रवास करणे, प्लॅटफार्म तिकीट आदींचा समावेश आहे.
दहां महिन्यातील उत्पन्न
| महिना | प्रवासी संख्या | उत्पन्न (रु.) | *दंडात्मक कारवाई | दंडात्मक रक्कम (रु.) |
| मे 20 | 3351 | 34,63,000 | नाही | नाही |
| जून 20 | 8325 | 78,00,883 | नाही | नाही |
| जुलै 20 | 7489 | 72,21,000 | नाही | नाही |
| ऑगस्ट 20 | 9554 | 84,41,000 *5 *4300 | 5 | 4300 |
| सप्टेंबर 20 | 13601 | 99, 90,000 | 140 | 89000 |
| ऑक्‍टोबर 20 | 24348 | 1,62,00,000 | 289 | 1, 89,000 |
| नोव्हेंबर 20 | 36151 | 1,95,00,000 | 600 | 4,10,000 |
| डिसेंबर 20 | 42389 | 1,87,00,000 | 400 | 2,40,000 |
| जानेवारी 21 | 48983 | 2,25,00,000 | 1400 | 7,50,000 |
| फेब्रुवारी 21 | 55073 | 2,10,00,000 | 900 | 5,50,000 |
सध्या बंद असलेल्या रेल्वे
पॅसेंजर
लिंक एक्‍सप्रेस
संपादन : युवराज यादव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.