गुढीपाडव्याला होणारी राजगड गावातील गाड्याची आणि किल्ल्यावरील यात्रा रद्द...

 बेळगाव  : श्री सिद्धेश्वर देवस्थान पंच कमिटी व यात्रा कमिटी राजहंसगड यांच्यावतीने जाहीर खुलासा. राजहंसगड ता. जि. बेळगाव येथील प्रसिद्ध व वडिलोपार्जित काळापासून अखंडितपणे सुरू असलेल्या चैत्र गुढीपाडवा दरवर्षी दोन दिवस खूप मोठ्या उत्साहात साजरा केला जातो. व यावेळीही 25 व 26 मार्च 2020 रोजी गुढीपाडवा व गावची गाड्यांची यात्रा मोठ्या उत्साहात साजरा करण्यासाठी राजगड यात्रा कमिटीने मोठी जय्यत तयारी सुरू केली होती.

हेही वाचा- Photo : ओपीडी बंद केल्याने रुग्णांची झाली घालमेल...

सरकारच्या आदेशाचे पालन​

पण संपूर्ण जगावर ओढवलेल्या कोरोना सारख्या रोगावर मात करण्यासाठी व बेळगाव जिल्हाधिकाऱ्यांच्या आदेशानुसार जिल्हा प्रशासनाला सहकार्य करण्याच्या दृष्टिकोनातून व सर्व जनतेच्या व भाविकांच्या आरोग्याच्या दृष्टिकोनातून सरकारच्या आदेशाचे पालन करत या वर्षी होणारी राजगड गावातील गाड्या ची यात्रा व किल्ल्यावरील यात्रा रद्द करण्यात आल्याचे पत्रक श्री सिद्धेश्वर देवस्थान पंच कमिटी व राजगड किल्ल्यावरील यात्रा कमिटीच्या वतीने कळविण्यात आले असून परिसरातील जनतेने व गावातील जनतेने व भाविकांनी या आदेशाचे पालन करून सहकार्य करणे जरुरीचे आहे त्याचप्रमाणे कोणीही किल्ल्यावरती अथवा गावांमध्ये यात्रेच्या निमित्ताने येऊ नये असे कळविण्यात आले आहे