पारनेर : निघोज येथील चारही संशयीत रुग्णांचे अहवाल निगेटिव्ह आले असल्याची माहिती तालुका आरोग्य अधिकारी डॉ प्रकाश लाळगे यांनी दिली. त्या सर्वांचेच रिपोर्ट निगेटीव्ह आल्याने पारनेरकरांनी एकदाच निःस्वास सोडला. दोन दिवसांपूर्वी निघोज येथील चार व्यक्तींना संशयीत म्हणून नगर येथे तपासणीसाठी नेले होते. त्या पार्श्वभूमीवर निघोजसह तालुक्यातील लोकांमध्ये भीतीचे वातावरण होते. सोशल मीडियात ते पॉझिटीव्ह असल्याची चर्चा होती. त्यामुळे भीतीने लोकांच्या पोटात गोळा आला होता. परंतु त्या सर्वांचे रिपोर्ट निगेटीव्ह आल्याने सर्वांनीच सुटकेचा निश्वास सोडला.
कोरोना व्हायरसच्या पार्श्वभूमीवर निघोज येथील या चार रुग्णांना त्रास जाणवू लागल्याने नगर येथे तपासणीसाठी दाखल करण्यात आले होते. दाखल करण्यात आल्यानंतर त्यांची तपासणी करून त्यांचे स्रावाचे नमुने तात्काळ पुणे येथे तपासणीसाठी पाठविण्यात आले होते. आज सकाळी त्यांचे रिपोर्ट मिळाले. सर्व रिपोर्ट निगेटिव्ह आल्याचे तहसीलदार ज्योती देवरे व तालुका आरोग्य अधिकारी डॉ. लाळगे यांनी सांगितले.
यामुळे निघोज परिसरासह तालुक्यातील जनतेच्या मनावरील आलेले दडपण दूर झाले आहे. यापुढे सर्वांनी काळजी घेऊन घरातच राहावे, असे आवाहन प्रशासनाच्या वतीने करण्यात आले आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
