सांगली : जिल्ह्यातील वाढत्या गुन्हेगारीची गंभीर दखल गृह विभागाने घेतली आहे. खुन, खुनाचे प्रयत्न, बलात्कार, नशेखोरी, अंमली पदार्थांचा बाजार यावर तातडीने नियंत्रण आणण्यासाठी ‘ॲक्शन प्लॅन’ करण्याचे आदेश देण्यात आलेले आहेत. त्यासाठी आज जिल्हादंडाधिकारी तथा जिल्हाधिकारी अशोक काकडे, पोलिस अधीक्षक संदीप घुगे, जिल्हा परिषदेच्या मुख्य कार्यकारी अधिकारी तृप्ती धोडमिसे यांच्यासह प्रमुख अधिकाऱ्यांची आज मॅरेथॉन बैठक झाली. त्याबाबतचा आहवाल मुख्यमंत्री तथा गृहमंत्री देवेंद्र फडणवीस यांच्याकडे लवकरच सादर केला जाणार आहे.