Sangli DCC Bank Recruitment : आमदार पडळकर-सदाभाऊंच्या आक्षेपानंतर सांगली जिल्हा बँकेत मोठी घडामोड! नोकरभरती तडकाफडकी थांबवली; विद्यमान संचालकांना मोठा धक्का

सांगली : सांगली जिल्हा मध्यवर्ती सहकारी बँकेतील ४४४ कनिष्ठ लिपिक पदांसाठी सुरू असलेली बहुचर्चित नोकरभरती प्रक्रिया अखेर शासनाने स्थगित (Sangli DCC Bank 444 clerk vacancy) केली. बँकेची निवडणूक प्रक्रिया सुरू झाल्यामुळे निवडणूक पूर्ण होईपर्यंत भरती प्रक्रिया थांबविण्याचे आदेश सहकार विभागाने आज काढले. या निर्णयामुळे भरतीसाठी अर्ज केलेल्या आणि तयारी करणाऱ्या हजारो उमेदवारांना आशांवर तात्पुरता विराम मिळाला आहे. विद्यमान संचालकांना मोठा धक्का मानला जातो आहे.