सांगली : आमदार अनिल बाबर यांच्या पत्नी शोभा बाबर यांचे अल्पशा आजाराने निधन

विटा : खानापूर आटपाडी मतदारसंघाचे आमदार अनिल बाबर यांच्या पत्नी शोभा अनिल बाबर यांचे अल्पशा आजाराने दुःखद निधन झाले आहे. या दु:खद बातमीमुळे संपूर्ण तालुक्यावर शोककळा पसरली आहे. आमदार अनिल बाबर यांच्या पत्नी शोभा बाबर (वय ६२) यांचे अल्पशा आजाराने आज सकाळी साडेदहाच्या सुमारास निधन झाले आहे. मागील पंधरा दिवसांपासून पुण्यातील दीनानाथ मंगेशकर रुग्णालयात त्यांच्यावर उपचार सुरू होते. आज सकाळी त्यांची प्राणज्योत मालवली. (khanapur MLA Anil Babar wife Shobha Babar no more)

आमदार अनिल बाबर यांच्या पत्नी शोभा बाबर आजारी असल्याने पुण्यातील दीनानाथ मंगेशकर रुग्णालयात त्यांच्यावर उपचार सुरु होते. वयाच्या ६२ व्या वर्षी त्यांनी अखेरचा श्वास घेतला आहे. रुग्णालयात उपचारादरम्यानत त्यांचा मृत्यू झाला असून या घटनेमुळे संपूर्ण खानापूर तालुक्यावर शोककळा पसरली आहे. दरम्यान, काल मुख्यमंत्री शिंदे हे पुणे दौऱ्यावर असताना त्यांनी दिनानाथ रुग्णालयात अनिल बाबर यांची भेट घेतली होती. यावेळी शिंदे यांनी बाबर यांच्याकडे त्यांच्या पत्नीच्या तब्यतेची विचारपूस केली होती.